《新闻女王》除咗带旺啲“女王”

衬托“女王”嘅男神

或多或少都被大家关注

风头趸“佐治”马国明啦

义气仔女“PM”吴业坤

奶味废人“飞爷”邓智坚

……

当然大家对佢哋

有赞亦有微言

毕竟人无完人

角色都要有贴地嘅元素

而喺呢部剧中

有位近乎完美嘅好好先生

就好到令人觉得唔太现实

甚至有时戥佢觉得唔抵添

佢就係由高钧贤扮演的

“张家妍”嘅未婚夫“邵俊乐”啦

▓▓▓▓▓▓▓▓▓▓▓░░░░努力加载中……

话说呢个角色

职业係高才大律师嚟嘅

经常处理哋疑难杂案

口碑&能力都冇得弹

女友张家妍就出咗名傲娇难搞

视工作如生命

千方百计追求新闻真相

每次家妍迟到、早退

甚至甩底唔到

邵律师都觉得OK

更心甘命抵咁呵护女友

就连佢精心策划已久嘅求婚大典

被家妍儿戏秒答、草草了事

都毫无怨言

被观众封为“国民好男友”

赞到“天上人地下冇”咁犀利

当然，呢啲都系角色设定

做戏咁做

现实生活中嘅“张家妍”李施嬅

就话自己绝对不会咁“黑人憎”

虽然自己一样事业为重、唔急结婚

但佢会认真对待自己嘅感情

而“邵律师”高钧贤

对自己感情嘅态度

亦都同剧里面有啲唔同哦

“国民好男友”嘅扮演者高钧贤

就喺最近出席活动嘅时候自曝

自己已经有咗心仪嘅对象

因为对方係圈外人

所以希望尽量低调啲

高钧贤虽然睇落充满少年感

查实佢已经快到“一枝花”嘅年纪

所以觉得係时候考虑人生大事啦

佢透露来年係龙年

再过一年係属蛇

呢两个生肖都好啱佢心水

就算屋企人冇催

佢自己都真係计划好

喺呢两年时间内

完成结婚+生仔嘅人生大事

//////////

前段时间

高钧贤做一场直播带货

由下午3点

一直chur到凌晨3点

足足12个钟头

期间佢滔滔不绝咁介绍商品

认认真真咁试食

网友话见到佢

扎扎实实咁食咗5餐之多

食完又不停换衫做展示

每个moment都好有热忱

一刻都冇敷衍了事

连chur12个钟

基本上冇停低休息

而睇咗呢场直播嘅朋友就话

好难得见佢一直sell嘢

但因为外形够磢镜

把声又劲温柔

所以一直睇都唔会厌

直播至凌晨

maybe观众都已经开始攰

纷纷隔空对话

叫佢早啲休息

作为艺人，

高钧贤有颜有演技

工作认真够晒敬业

对自己嘅人生大事

就有晒计划

可以话

戏里戏外都係满分男友

唔知大家中唔中意

高钧贤呢种类型嘅男仔咧

派福利

呐~龙年将至，可乐君有好嘢益大家！为咗感谢大家对我哋嘅支持，由即日起至2月1日00:00，手持任意一期Color影翻张靓相发圈，截图私信翻俾我哋，话俾我哋知你有几冧可乐，即有机会得到我哋嘅福利盲盒！

来源：可乐生活Color微信公众号

编辑：张子殷

审核：曾敏妍

签发：骆苹