英皇电影《爆裂点》

下个月初就在影院上映啦

主角陈伟霆&张家辉

最近开启咗预热路演

四围同大家安利呢部电影啦

呢部片讲嘅係

警察&卧底嘅故事

根据目前知道嘅剧情嚟睇

陈伟霆受到张家辉嘅怂恿

走上“三年又三年”嘅卧底路

片中会有好多爆破、炸裂嘅场景

真係中晒个电影名《爆裂点》主题

全员硬汉由开片chok到结局

陈伟霆喺分享拍摄花絮嘅时候

就提到电影中好多打斗嘅场景

为咗真实性都係坚用力发挥嘅

拍出拳拳到肉、真枪实弹嘅感觉

有一场佢被打嘅镜头

呈现出血肉模糊嘅状态

虽然确实加咗特效化妆啦

但现实中真係打得非常激烈

伟霆仲有“抱怨”

因为打斗场景多

经常被“挞生鱼”咁

状况有啲惨不忍睹哦

有一幕泥潭肉搏嘅场景

为咗拍佢喺泥浆中挣扎嘅画面

佢同拍档姜皓民瞓身喺泥中

搞得几乎窒息

而沾上身嘅泥浆

都真係要花好多心机

先整得返干净

好彩最终出嚟嘅画面好正

仲有一幕戏

讲佢同人哋进行生死决斗

被安排同专业格斗运动员开战

因为对方演员拍摄经验不多

所以打斗嘅时候唔太识借力

直接一招招殴落伟霆度

真係当佢“人肉沙包”咁打啰

为咗呈现呢啲完美镜头

伟霆经常搞到伤痕累累

亦因为镜头过于真实

呢部电影被定性为“三级片”

近几年

陈伟霆参演多部内地电视剧

靓仔神颜+完美body

成功俘虏内地观众嘅心

好耐冇拍港产片嘅陈伟霆

今次得知《爆裂点》可以

同自己嘅偶像张家辉合作

即刻就放弃咗内地成亿嘅工作

返香港接拍电影

陈伟霆原本身材已经好fit啦

但导演竟然要求佢再瘦啲

因为电影中仲有佢露肉嘅戏份

所以伟霆一边瘦身又一边增肌

先打造出咁完美嘅身材线条

有网友就谂起

当年张家辉拍《激战》嘅时候

都係瞓身咁训练自己嘅身体

佢演绎个角色嘅灵魂

最终以过人嘅演技

喜提“影帝”称号

今次陈伟霆搏到咁尽

系唔系都有可能

问鼎金像奖高殊荣奖项呢？

来源：可乐生活Color微信公众号

编辑：张子殷

审核：曾敏妍

签发：骆苹