又到咗年终总结嘅时候

各个平台肯定都会

开下show quality嘅大会

爱奇艺首先开波

喺澳门大搞“尖叫之夜”！

红毯上星光熠熠

小生都穿到闪炩炩

就算都係黑色礼服

风格都各有秋千

大家都係睇靓仔为主

女艺人嘅礼服更加养眼

文咏珊嘅玫瑰花大拖尾纱裙

金晨镂空设计的浅紫色礼服

倪妮素净但精致的贴身裙

林允嘅花型紧身礼服……

个个都好似公主驾到！

杨幂借热门待播剧

《狐妖小红娘》嘅热度

着纯白羽毛裙

打扮成明艳嘅白狐

秦岚姐姐

一袭宝石蓝长裙大杀四方

刘诗诗则选蓝绿色礼服

显得清新脱俗~

行甜美风格嘅女明星

虞书欣、谭松韵

田曦薇、白鹿等

都选咗穿公主裙

面仔虽细

有蓬蓬裙抢占镜头占比

咁样嘅大场面

除咗睇靓仔靓女

八卦同样必不可少

呢几pair艺人就备受关注

↓ ↓ ↓

甜妹田曦薇

同大眼仔曾舜晞

王子同公主一样嘅组合

手拖手入场超养眼

新晋男神张凌赫端水失败

做《宁安如梦》搭档

白鹿嘅护花使者

仲帮手拉裙尾

而到咗《云之羽》

搭档虞书欣就被“飞开”

孤零零上场

八卦嘅眼睛当然盯住

恋情传到好真嘅宋轶&白敬亭

舞台下“锡下”“揽下”嗌到爆

但佢哋都无动于衷

中间始终隔住条“银河”

直到入咗内场

两个先放松一啲

白敬亭又被影到

对宋轶又扶又揽

到咗双方上台发表感言

导播更变身红娘

宋轶领奖就切白敬亭

白敬亭笑容甜到漏

话你哋冇鬼鼠都冇人信啦

导播亦都係懂观众嘅

连过期糖都唔放过

凭借霸总角色爆火嘅

“姐姐严选”魏大勋上台领奖

镜头一转就转到咗

绯闻姐姐秦岚嘅身上

//////

秦岚呢排因为声沙沙

俾网友叫“电音朵拉”

今年佢同王阳合作嘅

《闪耀的她》都得到

好多观众喜爱

王阳嘅型爆身材

又俾粉丝叫“叔圈天菜”

当晚两人合体上台领奖

呢对魅力男女都不忘互损

当面叫出对方花名

睇来大家都係8G网啦

今次晚会

众多艺人虽然坐圆台

但台上只有矿泉水+酸奶

不过仲未到结婚年龄嘅王星越

抛水樽都可以玩一轮

斋饮水同酸奶

竟然都挡唔住闫妮

上台领奖时嘅“微醺”状态

先係上台攞错奖

搞到张若昀捧住奖杯不知所措

获奖感言嘅结尾

更以一声尖叫表达心情

声音撼动全场

而当场尖叫嘅

仲有资深演员嘅何赛飞

佢相当激动嘅表白全场

震臂高呼“我喜欢你们”

而实力派男演员们

都唔执输

杨幂一上台开口就爆大瓜

成当晚“最劲爆消息”

因为杨幂喺台下“咬耳仔”后

露出奇怪表情

大家都好好奇

“杨幂听到了什么”

作为“冲浪达人”嘅佢

睇到热搜上大家提问后

当场就当众回应

有咁嘅表情係因为

“佢睇到于和伟亲马东”

随后于和伟上台承认

睇来佢对呢个CP拍档

都几满意

//////

上一年冇办“尖叫之夜”

变咗今次大会

可以重温一次呢两年嘅剧

根据“来者有份”嘅原则

呢次嘅获奖名单就够晒长啦

几乎爱奇艺热播剧

都攞到咗奖项

呢啲上榜嘅电视剧

你有冇睇过啊？

你最buy边部呢？

来源：可乐生活Color微信公众号

编辑：张子殷

审核：曾敏妍

签发：骆苹