《法證先鋒VI：倖存者的救贖》熱播當中，當中首度拍劇的邢慧敏（Sharon）因壞秘書Look備受熱議！昨晚網上流傳不少她的「美腿連環截圖」，被指黑絲美腿Look相當屈機。

雖然今時今日Sharon身形弗到漏油，原來亦有過體重高達70kg的時候，後來因工作關係，Sharon用了短短一個月減了超過20磅，毅力驚人。Sharon曾在社交網拍片分享3大減磅心得，當中一大重點是糖，Sharon說：「我以前每日會飲一杯珍珠奶茶，剛開始減肥時會控制自己一周飲三杯，之後就一周一杯，到最後直情唔飲，但有時都會獎勵自己，星期六或者日會飲一杯熱奶茶，但係唔加糖！」另外兩大心得是一定要食早餐和自煮：「早餐食多啲唔緊要，唔可以唔食，嗰時我朝頭早會飲一杯奶昔，已經好飽，可以support成日嘅能量。至於自己煮就可以控制少油少糖少鹽，對健康同減肥起到好大作用，同埋儲到好多錢，哈！」她續指如因工作未有時間準備晚餐，她會選擇食牛丸米，貪其卡路里不高又好味。