据香港媒体报道

前TVB演员河国荣

于2月2日晚上在家中自杀身亡

享年58岁

佢嘅突然离世

令大家都十分震惊

皆因佢熟悉嘅面孔

可以话係陪伴咗一代人长大

/////

河国荣本来係一名澳洲医科高材生

早年睇过谭咏麟同张国荣演唱会后

深深爱上咗粤语歌

为咗追星

佢喺澳洲主动

做谭咏麟嘅免费司机

之后更用偶像张国荣嘅

“国荣”二字出道

正式改名为河国荣

签约成为TVB演员后嘅佢

出演近300部剧集

剧中经常饰演警队阿sir、

高层、律师等外国人角色

虽然唔係主角

但出现频率极高

好快就令大家记住佢嘅样

只要有鬼佬角色

就可以见到佢嘅身影

喺《男亲女爱》《冲上云霄》

《刑事侦缉案件》等热播剧集中

都有佢嘅身影

除咗高层警司

佢都会尝试一啲另类角色

喺《鉴证实录》中

佢变身“杀人狂魔”

每次闻到玫瑰香水就会起杀心

成为唔少观众嘅童年阴影

喺荧幕前

佢唔单止靓仔有型

亦被係大家公认係演技派

私底下

佢就係好好先生

当年成为“港漂”后

与仅仅认识8个月嘅

太太Bonnie闪婚

因为佢係外国人

这段婚姻初初被岳父极力反对

河国荣更係亲笔写信表诚意

婚后两人嘅感情一直好好

因为太太身体唔好

佢哋放弃咗生育

转而收养13条流浪狗

成为圈中嘅著名爱狗人士

但从2017年开始

河国荣就遭受一系列嘅打击

先係自己患上抑郁症

被病症折磨咗五年

后来又被确诊患上癌症

为咗治疗病痛

医药费开销巨大

佢欠下几十万元嘅债务

而佢相识30几年嘅妻子

又于去年患病去世

令佢大受打击

////

佢最后一次出现喺公众面前

係去年年底

喺平台上更新嘅短视频

就算生活再难再辛苦

河国荣每次出现喺镜头前

依然都係开心又积极

佢嘅突然离世

令圈中唔少好友都表示震惊

对佢嘅离开感到伤心难过

斯人已去

但佢留喺荧幕前开朗嘅形象

依然留在大家心中

愿天堂再无病痛

佢继续与爱妻相伴

一路走好

来源：可乐生活Color微信公众号

编辑：张子殷

审核：曾敏妍

签发：骆苹