新春将至

大家都忙住为新年添新物

梗係逛街买买买噶啦

一年到头咁辛苦

大家都会犒劳下自己啦

啱啱做咗“马太”嘅汤洛雯

完成婚礼之后

就好似少咗出席公开场合

just喺颁奖典礼嘅时候

见到佢以颁奖嘉宾身份登台

反而係马生婚后忙到甩辘

啱啱做咗“大马视帝”

一部热剧一收官

即刻又官宣有新剧开机

老公仔忙于拍剧

靓汤就同亲朋好友去旅行啦

事关上次bachelorette trip

行程匆匆、佢觉得未玩够啰

旅行离唔开饮饮食食

见佢发出嚟嘅动态

高热量美食、生冷热气嘢

通通照杀、食咗先讲

同行只有姊妹唔见马明

睇嚟冇老公仔同行嘅旅行

真係特别relax哦

女仔逛街肯定就疯狂买买买

特别喺出国旅行时

化妆、护肤、变靓啲嘅好嘢

一出击就肯定买唔停手

靓汤话自己一入店就“失控”

每样嘢都觉得好抵

疯狂入手到差啲要问司机借钱哦

睇到靓汤咁讲

除咗觉得有啲好笑

有网友就调侃佢话

难道马明婚后cut佢家用？

//////////

靓汤&马明呢pair

从拍拖到婚礼

一直都被观众关注嘅

迟迟唔结婚

就被猜疑已经静鸡鸡分咗

马明仲一度被冠上

“渣男”之名

“靓汤”婚后减产

马明又被人话“大男人主义”

限制老婆仔抛头露面

其实睇返佢哋po相

可以睇到马生好锡马太

每个细节都充满爱意

马明婚后即刻调整好状态

又拍剧又出show

被问到点解唔玩多几日

佢即刻就话多咗个老婆要养

所以出嚟努力工作

颁奖礼上

“靓汤”为马明撑场登台

穿上靓靓大露背裙

马明见到老婆仔咁有魅力

前程都好高兴

获奖感言都不忘向老婆仔示爱

前排迈阿密球队到港

大家争住亲临现场睇波

出现一票难求嘅盛况

马生都带埋靓汤去现场

两人仲sweet晒合照添

马生job接job、戏接戏冇停过

睇嚟佢真係有好好履行

“养多个老婆”嘅职责

好好赚钱等老婆过好日子

至于靓汤买嘢买到唔够钱

“沦落”到要借咁滞

应该只係搞笑又夸张嘅比喻

形容自己扫货疯狂

马明都喺呢条动态下面留言

happy wife happy life

讲到明老婆开心自己就开心

可见，马生&马太好有爱

希望大家可以好似佢哋咁

新年买得开心、玩得快乐啦

来源：可乐生活Color微信公众号

编辑：张子殷

审核：曾敏妍

签发：骆苹