年底啦、年底啦

“贺岁片”们都密锣紧鼓咁启动

最近有《临时决斗》官宣开机

前几日举行咗开机仪式啦

话说呢部电影

係以拳击为主题嘅

主要嘅演员阵容会係

《九龙城寨之围城》嘅班底

伍允龙、胡子彤、张文杰

再搭埋“龙卷风”古天乐

未开打就已经feel到江湖味啦

除咗呢班“打手”之外

今次仲邀请埋王丹妮、

梁咏琪、周秀娜加入

可以话睇头十足啦

一排冇出嚟嘅周秀娜

就特别受到大家关注

早前喺电视剧《叠影狙击》中

扮完双胞胎之后

就暂时未有影视作品出街啦

其实睇翻娜姐嘅行程

电视剧结束之后

佢都参演咗好几部电影

不过按照套路

啲电影都兴压个几年先

反而呢部年底先开拍嘅贺岁片

应该就係佢来年

最早同大家见面嘅作品啦

原本索腰长腿嘅娜姐

企喺丹妮同GiGi两位高妹旁边

即刻好似个小矮人咁

搞到佢自己都有啲唔好意思

大家注意到娜姐只脚又贴咗胶布

原来开工第一日

佢就已经被道具整伤

去医院缝咗5针先止血

话说受伤时佢以为just破皮

点知处理伤口嘅时候先发现

原来係肌肉已经爆开

伤势都颇为严重噶

娜姐拍剧出名够搏命嘅

而且佢似乎特别容易整亲

唔係淤青就係拗柴

被封“容易受伤的女人”

之前严重嘅时候

佢试过跌到肋骨骨裂

做好保护之后再继续打

敬业态度真係令人佩服

今次新电影里面

娜姐就饰演女拳手

为左角色由上月开始

佢就已经秘密练兵

用一个月时间练打拳噶啦

仲记得佢参演嘅上一部贺岁电影

《家有喜事2020》

佢都係识功夫嘅“打女”

有一幕佢啱冲完凉出来

用浴巾就搞掂两个流氓嘅镜头

佢拆开毛巾尽show身材嘅画面

惹火到Chilam都喷晒鼻血

真係堪称“娜式经典”噶

近几年娜姐收“胸”养性

少咗好多晒身材嘅演技

更多係打交晒身手

娜姐嘅演技确实有好大进步

但唔少观众又话

挂住娜姐啲身材啦

时隔5年再拍贺岁片哦

係咪会俾大家惊喜呢？

资料来源：微博、剧照、小红书等网络信息综合整理

编辑：郭    玮

一审：曾敏妍

二审：董华海

三审：骆   苹