“细细粒”陈嘉佳2月正式进驻

哔哩哔哩视频平台

并用一条好得意嘅视频

介绍自己个账号

小视频用咗体重巅峰时嘅自己

同依家减肥初有成效嘅身材

做咗左右分屏对比

确实依家变成

巴掌面、芭蕾颈、天鹅臂

比以前瘦咗起码3个码数

▓▓▓▓▓▓▓▓▓▓▓░░░░努力加载中……

细细粒一直以肥美形象示人

白滑美肌+浑圆身材

仲有爽朗笑声就係佢嘅标签啦

近几年佢一直喺内地发展

做直播带货做到风生水起

偶尔现身综艺节目

都会引发大家关注

佢前几年因为专注美食

体重一度直飚300磅

面圆膀肥虽然都仲係个靓女

但唔少网友都担心佢身体状况

时不时留言提醒要佢注意健康

细细粒虽然肥

但中意打扮自己

俾人开心、自信嘅形象

有一次佢将自己打扮成芭比

话俾大家知

女仔唔需要被定义

每个人都有靓嘅权利

令到好多唔自信嘅女仔

都因此重拾自信心

//////////

当大家以为

细细粒会咁一直肥美下去时

久违“无线”节目嘅细细粒

去年年底现身TVB台庆

新形象震惊咗大家

因为佢突然瘦咗好多

喺黑色连衣裙嘅衬托下

两条长腿纤细度尤其明显

菱角分明嘅下颌线

轻松咗好多嘅身型

被艺人friend赞佢好索

连佢自己都发文话

减肥稍有成效

期待夏天更索嘅自己

据闻细细粒喺过去一年时间

唔单止注意饮食

仲参加咗减肥训练营

又去纤体中心做疗程

加上自己代言健康食品

综合各种努力之下

由体重巅峰到依家

足足减咗100磅之多

唔少网友都话

瘦咗嘅细细粒五官更精致了

甚至撞样当年嘅

港姐冠军李珊珊

但大家喺有啲相

就睇到佢激瘦

一对筷子脚就快企唔稳

头重脚轻比例唔多协调

//////////

其实讲真啦

之前体重直逼300磅嘅细细粒

确实係有啲太过大只啦

依家佢为咗更靓、更健康

将体重降翻落嚟

确实係好事嚟嘅

做人最紧要係开心&健康

细细粒肥美嘅时候自信可爱

依家瘦落嚟更轻松自在

每种外形都係自己中意嘅

就已经够晒啦

观众都係希望佢

用安全嘅方式健康瘦身

令自己可以变得更靓更开心

达成自己嘅目标之余

又俾到惊喜大家

唔知大家係中意

肥肥美美嘅细细粒

定係依家瘦身成功

长腿索腰嘅陈嘉佳咧

来源：可乐生活Color微信公众号

编辑：张子殷

审核：曾敏妍

签发：骆苹