近日

前TVB男星郭子豪

就同靓靓女朋友邓卓殷

正式拉埋天窗啦

子豪喺今年年初

已经宣布约满唔再续约

离巢TVB去其他地方发展

佢喺签约TVB期间

参演多部电视剧

与TVB嘅演员建立咗深厚友谊

佢今次嘅婚礼

都劲有face咁

邀请到好多艺人出席

有之前疑似“黑面”相对嘅

“阿姐”汪明荃

今铺就超短裙盛装到贺

睇嚟之前嘅“不满”只係传言

有“初哥哥”胡鸿钧

现场同佢high five传祝福

大家即刻梦回

《十月初五的月光》

《十月初五的月光》剧照

最近忙紧自己个人show嘅

袁伟豪都抽时间出席婚礼

佢哋曾经合作

《三个女人一个因》

《栋仁的时光》等作品

兄弟情好深厚

《三个女人一个因》剧照

从大合照可见

现场仲有Bob林盛斌

“美魔男”张彦博、黄建东等

仲有Dear Jane唱祝福歌添

阵容真係堪比

“万千星辉”贺台庆啦

不过有网友就发现

邓卓殷早前有提到

自己为婚纱、婚礼

专登向“靓汤”汤洛雯

“取经”攞建议

郭子豪又曾同“靓汤”

拍档演戏

饰演过佢嘅“梦中情人”

两人仲拍过“床戏”

但咁喜庆嘅人生大事

靓汤&马明都冇现身啵

郭子豪做模特出身

因为身材健硕

参加过健美比赛

外形堪比“香港先生”

入行后佢试过推job被“雪藏”

又试过脾气唔好乞人憎

用咗一段时间先磨去棱角

养成“好好先生”嘅形象

而佢太太邓卓殷

喺2018年参选“香港小姐”

荣获亚军&“最上镜小姐”称号

郭子豪&邓卓殷经常组CP营业

除咗一啲好sweet嘅商业展示

佢哋仲将自己

求婚、备婚、结婚嘅细节

好大方咁高调po晒出嚟

子豪家境殷实

喺过大礼嘅时候

送出嘅金饰贺礼

将未婚妻都吓咗一跳

两人仲合体

参加过恋爱综艺

就算搞到满身泥泞

都坚持拼搏嘅画面

当时都感动咗好多人

子豪&卓殷曾经公开讲过

女仔对男仔一“揽”钟情

而男仔就对女仔永远心动

隔住屏幕睇佢哋互动

都觉得面红心跳

如今佢哋正式拉埋天窗

爱得高调、爱得真诚

佢哋之后应该会好少

出现喺TVB嘅剧集里面

观众们仲喺会期待

呢一对CP出嚟晒恩爱

Color君祝福佢哋

新婚快乐

永远sweet sweet啦

资料来源：小红书、微博等网络综合整理

编辑：郭   玮

一审：曾敏妍

二审：董华海

三审：骆   苹

【微店】羊晚文创线上商店

【邮政】中国邮政微邮局

【淘宝】羊晚生活馆

【小红书】Color班马

都可以买到《可乐生活》

▼▼▼