赵丽颖、林更新

最近带火咗古偶剧

《与凤行》

一开播就热度飙升

网友直呼“仙侠女神”出山

依然有实力喔

今次佢“二搭”嘅林更新

两人喺7年前已经合作过

《特工皇妃楚乔传》

“星玥夫妇”最后be

让好多观众意难平

两位久违合体

为咗补偿翻啲cp粉

戏内戏外都落足力

keep住营业疯狂“撒糖”

先係林更新直播时

赵丽颖闪现直播间

变“榜一富婆”

跟住佢又发微博感谢

特意买熊猫公仔嘅林更新

播到最新一集

两位终于有吻戏

双方互抱头缠绵

画面sweet到爆屏

点知细睇嘅观众就发现

林更新根本冇擘开口

被网友“闹上”热搜

吐槽佢似Si咗嘅带鱼

要p图大神手动撬开咯

（ps：之前林更新同黑粉“大战”嘅梗）

突然遭到质疑

林更新唔单止冇嬲

仲高情商回应“怪我没张口”

成功圈粉兼再撒一把糖

/////

其实林更新都

唔係第一次

高情商发言啦

喺密室逃脱嘅节目中

NPC要搵一个流量大嘅艺人

参加指压板环节

眼神懵懵哋嘅黄晓明

口快快指住队友林更新喔

林更新亦急速反应

兼一本正经讲到

“我流量不大，只有200多兆。”

对“流量”的幽默理解

令大家都松一口气

佢喺线上都係一个

“唔正经”嘅段子手

同粉丝朋友各种相爱相杀

早期嘅精神状态

简直好似演紧大家

除此之外

佢仲有个好出名嘅外号

“九亿少女的梦”

出自自己取嘅游戏ID

虽然名好自恋

但佢手长脚长

深邃嘅五官、立体嘅面型

拍剧时handle到各种造型

最得人中意嘅係佢

同时拥有高冷同搞笑气质

这种好玩个反差感

令唔少网友默认佢呢个称号

今次林更新再翻红

种种“不正经”事迹又圈一波粉

对比前两年

佢颜值回春&性格依然幽默

网友直呼

“九亿少女的梦翻嚟啦！”

Well~

唔知大家有冇追紧呢部剧咧

对林更新印象最深嘅

又係边一部戏啊？

来源：可乐生活Color微信公众号

编辑：张子殷

审核：曾敏妍

签发：骆苹