寻晚第42届香港电影金像奖开波

从红地毡开始

各路明星就争奇斗艳

尽显自己嘅美态

deep V 透视装

露背晒蛮腰

谷胸显锁骨等等打扮

唔知边个最得你心咧

相比起红地毡上嘅精彩纷呈

颁奖礼现场会显得暗淡好多

大家纷纷换上深色礼服

仪式感十足咁颁发每一个奖项

当晚最具争议嘅奖项

竟然係“影帝”之位嘅公开

梁朝伟凭借《金手指》

第六次登上“最佳男主角”宝座

因为朝伟正在德国拍紧戏

所以就将领奖嘅重任

交咗俾佢嘅e人太太刘嘉玲

而嘉玲姐就唔知点解

喺代表先生发言嘅时候

一直讲佢好伟大

句句都捧到朝伟上天咁

i人属性嘅朝伟

吓到不停提醒嘉玲姐

自己唔伟大，just好演员

原本就有好多人

唔太满意朝伟再攞“影帝”

加上嘉玲姐“煽风点火”

网友就更加有意见啦

虽然大家都知道

朝伟嘅演技有口皆碑

佢嘅努力亦有目共睹

但大家就一致认为

《金手指》令人非常失望

甚至觉得部电影

嘥咗一班好戏之人

唔少网友就觉得

攞咗“最佳影片”嘅

《毒舌律师》男主角

黄子华更值得攞“影帝”

子华神本人

更因为以为部电影冇奖

而觉得对唔住创作团队

发表获奖感言嘅时候

忍唔住哽咽咗添

子华嘅感恩团队

就显得朝伟的“个人伟大”

有啲自私嘅感觉啰

另一位呼声好高嘅

“影帝”提名演员

就係啱啱上映嘅《白日之下》中

男主角林保怡啦

虽然有人话佢

喺电影中嘅镜头不多

但每一帧都表现出佢嘅好演技

连眼神都充满情绪

喺佢失落“影帝”之后

TVB旗下嘅平台

即推出po“安慰”佢

话电视剧已经

认证咗佢嘅演技

平台更放出

林保怡喺《天与地》中嘅片段

肯定佢喺影视界嘅地位

网友调侃到

TVB识得蹭呢波热度

先係今次最大赢家

//////////

引发争议嘅唔止今次嘅“影帝”

仲有成为“影后嘅”余香凝

有人觉得佢实至名归

而且觉得年轻新人攞奖

可以为电影圈

注入更多嘅新活力

有人就觉得呢类新人获奖

同过往“称帝”“称后”嘅演员

level差得太多

再次显露香港影视圈

青黄不接嘅境况

今次嘅“影帝”係咪实至名归

“影后”够唔够资格

各种“最佳”係咪真係咁佳

大家又点睇咧

靓SHOW开售

艾怡良巡演【厦门站】

艾怡良巡回演唱会

《不想忘记的名字》

深圳、广州站开卖即售空

冇抢到票嘅fans唔使担心

艾怡良又官宣咗新嘅城市

7月12号厦门站

仍有余票在售

快来“可乐生活”官方抖音号

买飞啦

来源：可乐生活Color微信公众号

编辑：张子殷

审核：曾敏妍

签发：骆苹