等咗好耐嘅

情感大戏《婚后事》

下星期一终于要出街啦

众所周知

呢部剧集尺度超大

讲婚事又讲情事

拍摄嗰阵仲紧跟“时事”

戏内戏外都够晒刺激

呢部剧由多位已婚艺人演绎

剧情又围绕婚变情变展开

宣传嘅时候就引发唔少争议

近日

6位主演现身路演做宣传

现场爆料咗多起“婚变”啵

//////

陈自瑶同罗子溢喺剧中

演一对“女强男弱”嘅夫妻

男方婚内出轨

呢个选角就几耐人寻味

大家都知

陈自瑶同王浩信嘅“婚变”

纷纷扰扰传咗好多年

所以参演艺人接受采访时

Yoyo咬牙切齿咁

嗌出“出轨”两字

唔单止吓亲旁边嘅罗子溢

连睇戏嘅观众都唔淡定啦

不过

Yoyo马上兜返话只係讲紧角色

罗子溢马上松口气

表示自己唔赞成角色所为

而且现实中都唔敢咁做

但现场媒体记者

就唔肯放过呢个话题

因为早前王浩信

频频提起老婆并向对方示好

仲话情人节陪老婆过

令大家怀疑两人已经和好

但Yoyo就只係

晒出同“财神”嘅合影

仲话“情人节同财神约会”

完全冇提过王浩信

引起大家质疑：

“係唔係两人冇统一口供？”

听到呢个问题

Yoyo肉眼可见嘅尴尬

话自己“没看王浩信说了什么”

避谈夫妻之事

间接“踢爆”对方嘅“追妻戏码”

旁边嘅罗子溢

同样都尴尬到扯开话题

各种求关注帮手解围

算係落力护住“兄弟妻”

我哋讲翻呢部剧

早前有Yoyo半裸嘅画面流出

据说呢种大尺度场面

据闻并唔係点到即止

而係要拍晒全过程嘅

而且拍摄时导演显示屏前

仲有好多人围观

所以Yoyo话会怕丑

拍摄时要借酒壮胆

不过罗子溢就表示

自己係“借位高手”

让Yoyo大可以放心

虽然罗子溢氹掂Yoyo

但嗰啲大尺度嘅画面

仲没俾老婆杨茜尧“过审”嘎

罗子溢坦白

自己早前攞吻戏俾老婆“试水”

点知惨遭嫌弃

之后会更多片段播出

佢返屋企要唔要准备定榴莲壳？

//////

另外

仲有两位“人夫”“人妻”

黎诺懿＆赖慰玲

在剧中都贡献咗好多激烈嘅场面

采访时仲互认对对方产生好感？

黎诺懿话赖慰玲

畀佢一种老婆嘅感觉

赖慰玲直言惊剧集影响

自己嘅夫妻关系

黎诺懿在剧中

饰演一位“多金渣男”

同拜金嘅赖慰玲上演

婚内三角关系

据说两人拍戏时长时间

“孤男寡女”共处一室

拍到撕心裂肺

望住对方就会落泪

而且两人有段

浴缸里赤身“鸳鸯戏水”戏

拍摄时仲出咗“事故”

原来係赖慰玲落水后

“遮身”嘅胶纸居然甩咗

好在黎诺懿化身“chok泡机”

整出好多“爱的泡泡”遮住body

避免咗走光

两人仲立咗flag

话收视破25点就

亲身示范“筲箕chok泡”

如果破30点就

重演嗰幕浴缸戏

鉴于呢部剧太现实

黎诺懿话要瞒住仔仔

唔畀佢睇呢出戏

毕竟赖慰玲经常上门

到时候引起误会就弊了

Well~

演员演绎时投入真情

观众睇戏先够过瘾

不过拍戏时就算动作再亲密

对演员都just工作嚟嘅

大家都係期待一下

《婚后事》嘅剧情

同艺人们嘅表现啦！

来源：可乐生活Color微信公众号

编辑：张子殷

审核：曾敏妍

签发：骆苹